Kampioni i Anglisë ndalet në udhëtim nga një gol i shënuar me dorë

Manchester City nuk ka arritur më shumë se një barazim 1-1 në udhëtim tek Wolverhampton Wanderers.

Të parët që rrezikuan ishin kampionët në fuqi, kur turko gjermani Ilkay Gundogan provoi me një goditje por pa arritur të gjejë cakun.

Në minutën e 20-të Wolverhampton shënoi nëpërmjet Raul Jimenez, por që goli u anulua për pozitë jashtë loje.

Kun Aguero një minutë më vonë pati rast ideal për të shënuar, por që nuk u tregua i saktë duke qëlluar vetëm shtyllën.

Me rezultatin e bardhë 0-0 përfunduan 45 minutat e para në këtë sfidë.

Pjesën e dytë më mirë e nisën vendasit të cilët arritën të shënonin edhe një gol.

Pas harkimit në zonë nga Joao Moutinho, mbrojtësi francez Willy Boly shënoi me dorë për 1-1.

Futbollistët e Cityt u ankuan tek gjyqtari, por që goli u pranua pasi katërshja e gjyqtarëve nuk e kishte parë mbrojtësin duke luajtur me dorë.

Epërsia e vendasve zgjati vetëm 11 minuta, pasi Aymeric Laporte shënoi për 1-1 pas asistimit nga Ilkay Gundogan.

Pas golit të barazimit City vazhdoi sulmet në drejtim të portës së Rui Patricios.

Portieri portugez u tregua fantastik në minutën e 77-të me një pritje spektakolare ndaj goditjes së Gabriel Jesus.

Krejt në fund të ndeshjes, Aguero pati një tjetër rast të mirë shënimi, por përsëri goditi shtyllën.

Kësisoj City u ndal në barazim 1-1, dhe pas tri ndeshjeve ndodhet në krye të Ligës Premier me shtatë pikë.

Në anën tjetër për Wolves, kjo ishte pika e dytë në kampionat pas tri ndeshjeve të zhvilluara.

Në javën e ardhshme kampioni në fuqi pret Newcastle Unitedin, ndërsa Wolves luan në udhëtim tek West Ham. /Telegrafi/

#WolverhamptonManCity#Boly ⚽ chiaramente fallo di mano 👋👋 ma nessuno dei #ManCity si lamenta 👏👏chapeau. pic.twitter.com/pKvUOGlr6k

— RG⚪⚫68 (@giovarusso68) August 25, 2018

⚽️ El testarazo de #Laporte para el empate del City frente a los Wolves (1-1). pic.twitter.com/U0Mc4RSq2d

— Xavi Chica (@xavichica) August 25, 2018