Juventus është duke kërkuar një sulmues qendre për edicionin e ri.

Shumë emra të sulmuesve janë lidhur deri më tani me Juventusin, por asnjëri nuk është zyrtarizuar.

Alvaro Morata,Raul Jimenez, Arkadiusz Milik apo Edin Dzeko janë lidhur me një kalim te Zonja e Vjetër.

Gjithsesi emri i fundit që po qarkullon në mediat italiane është ai i sulmuesit kolumbian Duvan Zapata.

Sulmuesi kolumbian është dëshira e parë e trajnerit Andrea Pirlo për repartin ofensivë të Juventusit.

Duvan Zapata . (Photo by Tullio M. Puglia/Getty Images)

29-vjeçari prej disa vitesh është në formë të shkëlqyer duke shënuar e asistuar vazhdimisht.

Vetëm në edicionin e fundit Zapata ka shënuar 19 gola e ka bërë dy asistime në 33 takime zyrtare.

Juventus është gati të shpenzojë për të, ndërsa Atalanta i ka bërë me dije se për ta lënë të lirë sulmuesin duhen 55 milionë euro.

Gjithsesi interesim për lojtarin ka shprehur edhe skuadra tjetër italiane Roma që e sheh Zapatan si zëvendësues të boshnjakut Edin Dzeko. /Telegrafi/