Los Angeles Lakers ka vazhduar me fitore në NBA, teksa ka marrë të pestën radhazi.

Skuadra nga Kalifornia para tifozëve të vet ka mposhtur Detroit Pistons me shtatë pikë diferencë 106:99 për të marrë fitoren e 29-të këtë edicion.

Anthony Davis ishte më efikasi në këtë takim për vendasit me 24 pikë e 11 kërcime.

Ndërkohë LeBron James arriti një tjetër ‘Triple Double’, ku shënoi 21 pikë, pati 14 kërcime e 11 asistime për bashkëlojtarët e tij.

Mysafirëve nuk i mjaftuan as 28 pikët e Derrick Rose që të befasojnë Lakers në Staples Center.

Pas këtij triumfi Lakers vazhdojnë të mbetën në pozitën e parë në Konferencën e Perëndimit me 29 fitore e shtatë humbje, ndërsa Detroit është në pozitën e 11-të në Lindje me 13 fitore e 24 disfata. /Telegrafi/

Rezultatet:

Miami Heat – Portland Trail Blazzers 122:111

Cleveland Cavaliers – Minnesotta Timberwolves 103:118

Phoenix Suns – Memphis Grizzlies 114:121

LA Lakers – Detroit Pistons 106:99