Izraeli ka afat edhe 24 orë, Austria mund të jetë organizatore e Eurovisionit

Austria mund të organizojë festivalin evropian të muzikës vitin e ardhshëm, edhe pse Izraeli fitoi konkursin e këtij viti.

Menjëherë pas fitores së këngëtares Netta, menjëherë lindën pyetjet rreth situatës së sigurisë në shtetin hebre.

Tashmë, austriakët, garuesja e së cilës zuri vendin e tretë, mund të jenë organizatorë të ngjarjes.

Sipas raporteve të mediave, televizioni shtetëror izraelit, KAN kërkoi para nga shteti për organizimin e kësaj gare, por ministri i Financave nuk ka pranuar të ndante fonde.

Izraeli duhet të paguajë një garanci financiare në vlerë prej 12 milionë euro në llogarinë zvicerane, si garanci për pranimin e organizatës në Eurovision.

Afati i fundit për pagesën skadon nesër, 14 gusht, dhe nëse paratë nuk gjenden në llogarinë, atëherë do të jetë një vend tjetër organizator i garës gjersa Austria, e cila dy vjet më parë ka qenë mikpritëse, edhe një herë është e gatshme për të marrë përsipër këtë rol.

KAN-i i është drejtuar tani kryeministrit izraelit, Benjamin Netanjahu me një kërkesë që shteti të bëjë të disponueshme burimet e nevojshme. /Telegrafi/