Vëllai i supermodeleve Bella dhe Gigi Hadid, Anwar, zbuloi se kishte kryer një pelegrinazh në qytetin më të shenjtë të Islamit, Meka, në vazhdën e Muajit të Shenjtë të Ramazanit.
I riu 24-vjeçar, i cili ka qenë i dashuri i këngëtares shqiptare me famë botërore, Dua Lipa, publikoi disa fotografi në Instagram të shtunën nga udhëtimi i tij në vendlindjen e Profetit Muhamed në Arabinë Saudite.
“Umrah me vëllezërit e mi të vërtetë! Nën dëshirën e Zotit. Mirënjohës përjetësisht për këto momente. Tani në shtëpi” – shkroi ai në një postim, shkuan DailyMail.
Babai i tij, Mohamed Hadid, 75 vjeç – i cili është një mysliman palestinez – komentoi me krenari në postimin e djalit të tij, duke shkruar: “Djali im me shoqëruesit e tij të besimit”.
Ndërkohë, nëna e Anwarit, ish ylli i “Real Housewives of Beverly Hills”, modelja holandeze Yolanda Hadid, 60 vjeçe – e cila u divorcua nga zhvilluesi i patundshmërisë në vitin 2000 – la një emoji zemre të zezë si koment.
Nata e 27-të e Ramazanit – e quajtur Laylat Al Qadr, ose Nata e Fuqisë në anglisht – besohet të jetë mbrëmja më e shenjtë në kalendarin Islam.
Ajo shënon momentin që myslimanët besojnë se Kurani u dërgua në tokë nga qielli, dhe kur u zbuluan për herë të parë versetet e librit të shenjtë të botës nga profeti Muhamed.
Për të shënuar këtë rast që bie brenda dhjetë ditëve të fundit të Ramazanit, besimtarë nga e gjithë bota mblidhen në vendin më të shenjtë të botës Islamike – Meka – për të lutur dhe për të reflektuar.
Gjatë Ramazanit, myslimanët e devotshëm përmbahen nga ngrënia dhe pirja gjatë orëve të ditës dhe zakonisht mblidhen me familje dhe miq për të thyer agjërimin në mbrëmje.
Agjërimi gjatë Ramazanit është një nga pesë “shtyllat” e Islamit – përveç besimit, lutjes, bamirësisë dhe pelegrinazhit.
Shtylla e pelegrinazhit thotë se çdo mysliman, që është i shëndetshëm dhe mund të përballojë udhëtimin, duhet të vizitojë Mekën të paktën një herë gjatë jetës së tij për të shënuar Hajjin – pelegrinazhin vjetor në Mekë që këtë vit bie në muajin korrik.
Myslimanët besojnë se Kaaba – që ndodhet në qendër të Mekës – është shtëpia që Abrahami ndërtoi për Zotin.
Në vitin 2022, motra e mëdha e Anwarit, Bella, 27 vjeçe, rrëfeu për “mërzinë” e saj që nuk iu dha mundësia të rritej në “kulturën Myslimane” me babanë e saj palestinez, pasi nëna e tyre i çoi në Kaliforni pas divorcit të prindërve.
Të tre fëmijët Hadid kanë qenë të hapur në lidhje me qëndrimet e tyre pro-palestineze dhe mbështetjen e vendit gjatë luftës së tij me Izraelin.
Babai i tyre, Mohamed, së fundmi e quajti presidentin Joe Biden “kriminel lufte sionist” dhe tha se ai do të gjykohej bashkë me “kriminelët tjerë sionistë”.
Ndërkohë, Gigi, pak kohë më parë, shkaktoi trazira me një postim në Instagram ku e portretizoi gabimisht terroristin palestinez Ahmed Manasra si një “fëmijë të burgosur të luftës”.
Pas një reagimi të madh kundër postimit të saj, Gigi u kërkoi falje për “gabimin” e saj, të cilin e quajti të papërgjegjshëm. /Telegrafi/
Lufta Prigozhin - Putin
Më shumëUroi çiftin për lindjen e vajzës gjatë spektaklit të Big Brother, Kiara Tito i reagon Ledion Liços
Oriola Marashi e "ndezë" rrjetin, pozon me të brendshme duke i lënë fare pak vend imagjinatës
U tha se do të vinte në Shqipëri për t'u takuar me Heidin në Big Brother - Massimiliano Varrese vjen me një mesazh në shqip
Xhensila si duket mori trauma nga rrëzimi në skenë, bëri veprimin e papritur në koncertin e saj më të fundit
“Më la pa gjumë”, Ilnisa flet për herë të parë për takimin me Meritonin
Erjola zbulon produksionin për situatën e Eglës? Çfarë tha që i reagoi menjëherë stafi i BBVA-s?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit