Interi thuhet se ka refuzuar një ofertë prej 50 milionë eurosh për Lautaro Martinez nga Atletico Madridi.

Bisedimet për kontratën e argjentinasit kanë ngecur dhe raportet në Itali besojnë se Interi nuk do të përjashtojë një shitje këtë verë.

Lautaro mbërriti nga Racing Club në korrik të 2018 dhe që atëherë është vendosur si një lojtar i rëndësishëm i skuadrës së Nerazzurrëve, duke krijuar një partneritet të shkëlqyeshëm me Romelu Lukakun në sulm.

Lautaro refuzon rinovimin me Interin, kampioni italian mendon shitjen e tij Lautaro refuzon rinovimin me Interin, kampioni italian mendon shitjen e tij

23-vjeçari ishte një anëtar kyç i skuadrës së Interit që fitoi Scudetton e tyre të parë në 11 vjet, por lamtumira e mundshme e Lautaros mund të jetë një nga ndryshimet e shumta këtë verë.

Simone Inzaghi ka zëvendësuar Antonio Conten në krye të ekipit dhe Joaquin Correa është përmendur si një zëvendësim i mundshëm për Lautaron, nëse argjentinasi largohet.

Sipas gazetës Tuttosport, Atletico Madridi ka bërë një ofertë me vlerë 50 milionë euro për sulmuesin, i cili ka shënuar 49 gola në 132 ndeshje me Interin.

Gazeta zbulon se Interi ka refuzuar ofertën e parë nga skuadra e La Ligas dhe ka vendosur një çmim prej 90 milionë eurosh për lojtarin.

Atletico Madridi pistë më e mundshme se Arsenali për Lautaro Martinezin Atletico Madridi pistë më e mundshme se Arsenali për Lautaro Martinezin

Sidoqoftë, raporti pretendon se Nerazzurrët mund të jetë të gatshëm ta lejojnë lojtarin të largohet për një marrëveshje me vlerë midis 70 dhe 80 milionë eurosh.

Lautaro ishte i lidhur shumë me një kalim te Barcelona vitet e fundit, por gjithashtu ka tërhequr interes nga Liga Premier, me Chelsean dhe Arsenalin të përmendur si kërkues të mundshëm. /Telegrafi/