Zlatan Ibrahimovic ka qenë edhe njëherë vendimtar për skuadrën e tij Los Angeles Galaxy.

Sulmuesi suedez i ka siguruar fitoren klubi bardhekaltër në udhëtim te Vancouver me rezultat 0-2.

Vendasit patën rast të artë për të kaluar në epërsi në minutën e dytë, por mbrojtësi Adnan dështoi të shënoj me Panenka nga penalltia.

Në pjesën e dytë në skenë doli Zlatan Ibrahimovic ku fillimisht asistoi në minutën e 63-të për Steres që shënoi për 0-1.

Në minutën e 72-të, Ibrahimovic pranoi një top në zonë dhe me një goditje të fuqishme shënoi për 0-2.

Ky ishte goli i katërt këtë edicion për suedezin, ndërsa La Galaxy mban pozitën e dytë në Konferencën e Perëndimit, me një pikë më pak se rivali lokal Los Angeles FC. /Telegrafi/