Haaland: Ëndërr të luaj në finalen e Ligës së Kampionëve – me kaq shumë kampionë rreth meje, gjithçka bëhet e lehtë

Erling Haaland në sezonin e tij të parë me Manchester Cityn ka shënuar 52 gola në të gjitha garat, ndërsa ka mbetur edhe një ndeshje e vetme të zhvillohet për këtë sezon.

Ai kërkon të lejë shenjë edhe në finalen e Ligës së Kampionëve, që skuadra e tij e re të fitojë tripltën, pasi fituan kampionatin dhe FA Cup.

“Unë gjithmonë kam ëndërruar të luaj në finalen e Ligës së Kampionëve dhe do të jetë nder të jem aty. Por mbi të gjitha kemi një ndeshje për të fituar”.

🗣️ "I've always dreamed of playing in the Champions League final."

Haaland on a campaign to remember 🗒#UCLfinal

— UEFA Champions League (@ChampionsLeague) June 8, 2023

“Ne kemi pasur një sezon të jashtëzakonshëm dhe duhet ta përfundojmë në mënyrën më të mirë të mundshme. E di që të gjithë do të japim gjithçka për të fituar kundër një skuadre të shkëlqyer si Interi”, ka thënë Haaland.

Në 10 paraqitje në Ligën e Kampionëve, sulmuesi norvegjez ka shënuar 12 gola, mesatarisht 1.21 për ndeshje. Një statistikë e pazakontë në historinë e kësaj gare.

“E dija që në këtë ekip do të kisha mundësi të shënoja shumë. Kur ke kaq shumë kampionë rreth teje, që të krijojnë shanse ose të hapin hapësira, atëherë gjithçka është më e lehtë”.

“Ne të gjithë kemi uri për fitore. Unë jam me fat që kam shokë skuadre që më ndihmojnë të bëj punën time: të çoj topin në rrjetë. Çfarë bëj më pas? Fokusohem menjëherë te goli tjetër”, deklaroi norvegjezi.

Në fund, Haaland kishte disa fjalë të mira edhe për trajnerin Pep Guardiola.

“Kam mësuar shumë nga Pep dhe jam i sigurt se do të mësoj më shumë”, përfundoi ai.

Manchester City dhe Inter do të luajnë finalen e madhe të shtunën./Telegrafi/