Gjilani thuhet se ka shkarkuar Ismet Munishin nga pozita e trajnerit, pas rezultateve të dobëta në BKT Superligën e Kosovës.

Edhe pse ende mungon konfirmimi zyrtar nga klubi gjilanas, qëndrimit të tij 13 mujor duket se i ka ardhë fundi.

Në lidhje me lajmet që qarkullojnë për shkarkimin e Munishit, kanë reaguar tifo grupi “Skifterat”, duke falënderuar atë për kontributin e dhënë në skuadër.

Të gjitha lajmet nga KF Gjilani Të gjitha lajmet nga KF Gjilani

Më poshtë mund të lexoni statusin e plotë (pa ndërhyrje) të mbështetësve të Gjilanit në llogarinë e tyre në Facebook:

Falemnderit Ismet Munishi 🤝

Shprehim mirënjohjen dhe falemnderimin tonë për gjithçka që dhurove në klubin tonë!

Fatkeqsisht, rrugëtimi ynë i përbashkët nuk përfundoi ashtu siç deshtëm dhe kjo na solli në situatë për të ndarë rrugët tona!

Falemnderit për korrektësinë, do të na mungoj adrenalina dhe dëshira jote e zjarrtë për luftën e madhe në fushë!

Me respekt.

Gjilani është aktualisht në vendin e tretë në ligë me 55 pikë, aq sa ka edhe Drita në të dytin, ndërsa kanë pesë pikë më shumë se Llapi. /Telegrafi/