Gjilani ka shënuar fitore ndaj Malishevës me rezultat 3-1 në kuadër të javës së 17-të të BKT Superligës.
Ndeshja nisi më mirë për mysafirët që arritën të shënonin të parët.
Ishte Hasan Hyseni që tundi rrjetën në minutën e 13-të pas një aksioni të bukur të Malishevës.
Gjilani nuk u pajtua me rezultatin dhe u nis drejt sulmit për të gjetur golin.
Kjo erdhi në minutën e 38-të, kur Blerim Krasniqi shënoi me kokë, por që u anulua nga VAR për pozitë jashtë lojës.
Malisheva në kohën shtesë të pjesës së parë mbeti me dhjetë lojtarë, pasi që Muhamet Hyseni u ndëshkua me karton të kuq.
Pas një minute Gjilani barazoi shifrat në 1-1 me një ‘predhë’ të Gerhard Prognit nga distanca.
Në pjesën e dytë Gjilani shtoi forcat në sulm, duke kërkuar golin e epërsisë.
Ai erdhi në minutën e 78-të kur Keita Razak shënoi me kokë për 2-1.
Vetëm tre minuta më pas ishte radha e lojtarit më në formë të Gjilanit, Albert Dabiqaj, që edhe ky me kokë të shënonte për 3-1.
Deri në fund nuk kishte më gola dhe Gjilani iu gëzua fitores, dukë qëndruar me 32 pikë në vendin e dytë. /Telegrafi/
