Getinjo dhe Mozzik publikojnë një fotografi të babait të tyre kur merrej me muzikë: La ëndrrën e tij për neve, e ne ia kthyem me krejt të mirat

Dy vëllezërit, Mozzik dhe Getinjo, e filluan në moshë relativisht të hershme rrugëtimin e tyre në muzikën rap.

Me kalimin e kohës, ata arritën që të shndërroheshin në dy prej emrave më të zeshëm të estradës shqiptare.

Por rrugëtimi i tyre drejt famës nuk ka qenë fare i lehtë dhe prindërit e tyre duket të kenë qenë një përkrahje shumë e madhe për ta.

Kjo pasi siç ka zbuluar vet Getinjo së fundmi, babai i tyre kishte lënë ëndrrën e vet përgjysmë për t’u bërë këngëtar, duke iu përkushtuar rritjes së tij dhe vëllait të tij.

Lexo po ashtu Getinjo merr kritika pasi iu uroi agjërim të pranuar fansave pak pasi kishte publikuar fotografi nga kazinoja

Në një fotografi të kahershme të publikuar së fundmi në InstaStory, reperi emri i vërtetë i të cilit është Getoar Aliu, tregoi një nga momentet kur babai i tij këndonte këngë rapsodike i veshur me rroba tradicionale.

“Babai e pati lënë ëndrrën e vet për neve! E unë edhe Mozzik ia kthyem me krejt të mirat”, shkroi Getinjo në mbishkrimin e fotografisë.

Edhe Mozzik ashtu si vëllai i tij i madh, e rishpërndau në InstaStory këtë postim, duke treguar se ndjehet krenar që ai dhe Getinjo vazhduan rrugëtimin e lënë përgjysmë nga babai i tyre. /Telegrafi/