Gareth Bale është një nga emrat më të mëdhenj në MLS pas kalimit të tij në Los Angeles FC.

Pavarësisht paraqitjes vetëm në një ndeshje deri më tani, uellsiani është tashmë një atraksion i madh për ata në Los Angeles FC dhe përreth.

Megjithatë, në një ligë që përdor një kufi pagash dhe ka rregulla të ndryshme financiare, shumë po pyesin se sa po fiton ish-ylli i Real Madrid dhe Tottenham.

Edhe pse ai ka pesë tituj të Ligës së Kampionëve dhe fitonte një pagë të madhe ndërsa ishte në Spanjë, kjo nuk do të ndodhë në Shtetet e Bashkuara.

Reklama

Los Angeles Times raporton se ai do të marrë vetëm 1.6 milionë dollarë këtë sezon.

Kjo e bën atë mjaft të volitshëm, veçanërisht pasi Los Angeles FC nuk duhej të paguante një tarifë transferimi pas skadimit të kontratës së tij me Real Madridin.

Reklama

Duke e zbërthyer edhe më tej, Los Angeles FC do t’i paguajë Bale rreth 133,000 dollar në muaj. /Telegrafi/