Frattesi zbulon arsyen pse zgjodhi Interin para klubeve tjera të interesuara

Davide Frattesi ka zbuluar pse ai zgjodhi të nënshkruajë për Interin gjatë intervistës së tij të parë me kanalet e brendshme mediatike të klubit menjëherë pasi nënshkrimi i tij u zyrtarizua të enjten në mbrëmje.

23-vjeçari vuri në dukje një sërë faktorësh, duke përfshirë përvojat e tij të mëparshme duke luajtur në San Siro dhe komplimentet që mori më herët në sezonin 2022/23 nga drejtori i Interit, Beppe Marotta.

“Mjafton të ktheheni për të kuptuar se sa i madh është ky klub”, ka thënë fillimisht Frattesi i ulur në dhomën e trofeve të Interit në selinë e klubit në Milano.

Më pas ai vazhdoi duke treguar se pse vendosi të bashkohej me Interin, pavarësisht interesit të raportuar nga shumica e klubeve ‘top’ në Itali.

“Gjithçka filloi një vit e gjysmë më parë kur luajtëm kundër Interit në San Siro”.

“Unë u godita nga tifozët dhe stadiumi atë ditë. Kjo ishte padyshim shumë e rëndësishme për mua, kështu që nuk u mendova dy herë kur mu paraqit kjo mundësi”.

Le emozioni dell'arrivo a Milano 🤩
Le prime parole di Davide Frattesi in nerazzurro 🎙️#ForzaInter #WelcomeDavide

— Inter (@Inter) July 6, 2023

Frattesi u pyet më vonë për lavdërimet që kishte fituar nga Marotta.

“Ishte emocionuese sepse marrja e komplimente nga një drejtor i atij kalibri është një pjesë e rëndësishme e njohjes. Ky ishte gjithashtu një faktor në zgjedhjen time”.

Le emozioni dell'arrivo a Milano 🤩
Le prime parole di Davide Frattesi in nerazzurro 🎙️#ForzaInter #WelcomeDavide

— Inter (@Inter) July 6, 2023

Italiani ishte gjithashtu i vendosur kur shpjegoi ambiciet e tij personale për ekipin në sezonin 2023/24.

“Për të filluar, shpresoj të fitoj disa trofe, kjo është e sigurt. Unë do të sjell angazhimin tim, seriozitetin dhe shpresoj edhe disa objektiva”, përfundoi mesfushori italian. /Telegrafi/