E veçanta dhe stili rikthejnë solo Gresa Behlulin, këngëtarja flet rreth projektit të ri (Foto)

Këngëtarja Gresa Behluli së shpejti do të sjellë për publikun, projektin e saj më të ri muzikor.

Në një prononcim për Telegrafin, këngëtarja ka rrëfyer për punën e saj rreth këtij projekti, duke treguar se do të sjellë një këngë të pëlqyeshme për veshin e publikut.

“Po, kam përfunduar punimet për projektin tim më të ri, është një këngë moderne verore, së cilës jam duke i realizuar edhe klipin me produksionin Urban Graphics. Vij pas një kohe të gjatë solo. Është një këngë e bukur, e thjeshtë, e cila shpresoj të pritet mirë”, tha Gresa Behluli për Telegrafin.

Në vazhdimin e bisedës, Gresa tregoi edhe për edhe xhirimet e klipit, të cilat përfunduan ditë më parë, dhe do të jetë pak më i veçantë, pasi në këtë projekt, këngëtares i janë bashkuar edhe fansat.

“Xhirimet e klipit janë kryer në Gjilan, dhe disa në Prishtinë. Kanë zgjatur tre ditë. Do të jetë një klip i veçantë, pasi protagonistë në të kanë qenë shumë djem dhe vajza të rinj”, tregoi këngëtarja më tej.

Tutje, në përfundimin e bisedës, Gresa për Telegrafin zbulon një datë të mundshme, për kur mund të plasohet ky klip.

“Klipi besoj do të lansohet në fillim të javës së ardhshme. Jam munduar të sjell diçka të bukur dhe të veçantë bashkë me produksionin”, përfundoi këngëtarja Behluli për Telegrafin.

Telegrafi ka përcjell nga afër disa nga xhimiet kryera në kryeqytet, dhe ju sjell në vazhdim disa imazhe ekskluzive nga klipi më i ri i Gresës.

Edhe në këtë projekt, këngëtarja do të paraqitet mjaft tërheqëse dhe me stil, si në shumë paraqitje të saj. /Telegrafi/

së shpejtiii…? #newvideo #gresabehluli #nofilter #nofilterneeded #urbangraphics

A post shared by Gresa Behluli (@gressabehluli) on Jul 12, 2017 at 7:36am PDT