LAJMI I FUNDIT:

E kanë vetëm hijen në Kosovë, top talentët nën 23 vjeç nga Superliga që pritet të transferohen në Evropë këtë vit

E kanë vetëm hijen në Kosovë, top talentët nën 23 vjeç nga Superliga që pritet të transferohen në Evropë këtë vit

Kosova është vend i mbushur me talente dhe këtë nuk e mohon askush, pasi shumë emra kanë dalë nga futbolli kosovar dhe janë duke bërë karrierë të shkëlqyer në kampionatet më të forta në Evropë.

Amir Rrahmani, Vedat Muriqi, Milot Rashica, Edon Zhegrova, Mirlind Daku, Bernard Berisha, Etrit Berisha janë vetëm disa nga futbollistët e dalë nga kampionati kosovar dhe kanë arritur të ndërtojnë një karrierë të madhe në kampionatet më të forta evropiane.

Por edhe në ditët e sotme në vendin tonë ka futbollistë mjaftë të talentuar që ka pritshmëri të mëdha për ta, pasi viti 2024 mund të jetë i fundit në kampionatin kosovar ku pritet të bëjnë hapin e radhës në karrierë.


Pas një viti plot sfida dhe arritje në klubet e tyre të Superligës, këta lojtarë janë tani gati për të shkruar kapitujt e tyre të ardhshëm. Me paraqitje të jashtëzakonshme në sezonin e fundit dhe pjesëmarrje në ndeshje të rëndësishme ndërkombëtare me Përfaqësuesen e Kosovës A dhe grupmoshat, ata kanë tërhequr sytë e skautëve dhe menaxherëve të klubeve të ndryshme evropiane.

Ndërsa bota e futbollit ndjek me interes zhvillimet e tregut të transferimeve, këta talentë të rinj, me aftësi të mrekullueshme dhe një të ardhme të ndritur, janë në prag të ndryshimeve të rëndësishme në karrierat e tyre.

Qysh në muajin janar disa nga yjet e futbollit kosovar pritet të marrin rrugë për në Evropë, pasi ofertat për ta nuk mungojnë.

Redaksia e sportit në Telegrafi ka zgjedhur talentët më të mëdhenj në Kosovë nën moshën 23-vjeçare të cilët pritet që gjatë këtij viti të largohen nga kampionati ynë.

Secili nga klubet elitare në Kosovë ka në radhët e veta së paku një futbollist i cili do të bëj një hap para, derisa pritshmëritë më të mëdha janë padyshim për Drilon Hazrollajn e Malishevës i cili ka dy vite që po bën mrekulli në Superligë me aftësitë e tij, golat e asistimet.

Kampioni në fuqi i Kosovës, Ballkani ka disa elementë cilësorë që pritet të dalin jashtë si Qëndrim Zyba, Gentrit Halili dhe Lindon Emërllahu, derisa nga Prishtina largimet mund të jenë të Drilon Islamit e Albin Krasniqit si dy futbollistë të ri e me të ardhme të ndritshme.

Llapi gjithashtu ka tre yje të ri me të ardhshme të ndritshme si Muhamet Hysenin që është top shënues në Superligë, Ilir Krasniqin e Elvir Gashijanin.

Dy skuadrat e qytetit të Gjilanit, Drita dhe Gjilani kanë në radhët e veta talentë të shumtë ku te bardhekaltërtit janë Hajdin Salihu, Albin Prapashtica e Ardit Tahiri, derisa te Gjilani emrat si Oliton Bilalli, Redon Ismaili dhe Melos Bajrami.

Te Malisheva janë edhe Etnik Brruti e Arlind Veliu, derisa emra në listën e futbollistëve më të talentuar në Kosovë dhe që pritet të bëjnë hap para në karrierë janë edhe Ardi Ajdini i Fushë Kosovës, Granit Musa i Feronikelit ’74 apo Blerind Morina i Dukagjinit.

Më poshtë janë emrat e futbollistëve që pritet të bëjnë hap para gjatë vitit 2024:

Drilon Hazrollaj (Malisheva)

Oltion Bilalli (Gjilani)


Etnik Brruti (Malisheva)


Lindon Emërllahu (Ballkani)


Hajdin Salihu (Drita)


Redon Ismaili (Gjilani)


Ardit Tahiri (Drita)

Muhamet Hyseni (Llapi)


Ilir Krasniqi (Llapi)


Gentrit Halili (Ballkani)

Qëndrim Zyba (Ballkani)

Drilon Islami (Prishtina)

Albin Krasniqi (Prishtina)

Ardi Ajdini (Fushë Kosova)

Blerind Morina (Dukagjini)

Albin Prapashtica (Drita)

Elvir Gashijan (Llap)

Arlind Veliu (Malisheva)

Granit Musa (Feronikeli ’74)

Melos Bajrami (Gjilani)

/Telegrafi/

Në trend Sport

Më shumë
Tifozët e Anglisë shpallin fajtor një lojtar për humbjen e finales nga Spanja

Tifozët e Anglisë shpallin fajtor një lojtar për humbjen e finales nga Spanja

Përfaqësueset
Van der Vaart godet dy yjet e Anglisë, njërin e quan lojtar 'të padobishëm'

Van der Vaart godet dy yjet e Anglisë, njërin e quan lojtar 'të padobishëm'

Përfaqësueset
Spanja fitoi një shumë të madhe duke fituar titullin, kjo është shuma që shkon për lojtarët dhe stafin

Spanja fitoi një shumë të madhe duke fituar titullin, kjo është shuma që shkon për lojtarët dhe stafin

Përfaqësueset
Argjentina mposht Kolumbinë pas vazhdimeve, mbron titullin e kampionit në 'Copa America'

Argjentina mposht Kolumbinë pas vazhdimeve, mbron titullin e kampionit në 'Copa America'

Ndërkombëtare
Williams 'harron' menjëherë triumfin në Euro 2024, tregon qëllimin e Spanjës

Williams 'harron' menjëherë triumfin në Euro 2024, tregon qëllimin e Spanjës

Përfaqësueset
Notat e lojtarëve, Spanjë 2-1 Angli: Willams e Yamal shkëlqejnë te fituesit

Notat e lojtarëve, Spanjë 2-1 Angli: Willams e Yamal shkëlqejnë te fituesit

Përfaqësueset
Kalo në kategori