Aktorja Leze Qena ka ndërruar jetë sot dhe me këtë rast reagimet në rrjetet sociale kanë qenë të shumta nga miqtë dhe kolegët e saj.

Së fundmi është këngëtari i njohur i skenës shqiptare, Sabri Fejzullahu, ai i cili ka bërë një dedikim emocional për vdekjen e aktores Qena.

Si një nga miqtë më të afërt të saj, Fejzullahu e ka falënderuar aktoren për bashkëpunimin dhe mësimin që ia ka dhënë rreth artit.

“Leze Qena, ti dashuri e kombit shqiptarë. Ti shpirt i skenës e qësendi e fjalës së bukur shqipe e thënë nga ti u ndave nga ne. Dhimbje e madhe për ne shqiptarët që humbëm një mësuese të aktrimit”.

Qytetarët do ndezin qirinj sonte për ta nderuar ikonën Leze Qena Qytetarët do ndezin qirinj sonte për ta nderuar ikonën Leze Qena

“Të kujtoj gjithmonë, të falënderoj për bashkëpunimin që kishim e që më dhe mësim si duhet dhe sa duhet të punoj që të jem në shërbim të artit. Tu bëftë dritë për gjeneratat që vijnë dashuria e shpirti që përmes aktrimit ja fale Kosovës”, ka shkruar mes të tjerash Fejzullahu.

Leze Qena (Foto: Instagram)

Aktorja ndërroi jetë në moshën 85-vjeçare, gjersa kohëve të fundit u largua nga angazhimet artistike për shkak të problemeve shëndetësore. /Telegrafi/