Më në fund Philippe Coutinho është prezantuar si lojtar i Barcelonës.
Braziliani fillimisht bëri vizitat mjekësore, nënshkroi kontratën, doli në konferencën për media së bashku me presidentin Josep Bartomeu dhe në fund u prezantua para tifozëve në Camp Nou.
- Foto: Barcelona twitter
"Dua të falënderoj presidentin dhe të gjithë ata që bënë të mundur këtë. Jam shumë i lumtur, një ëndërr e bërë realitet. Shpresoj t'i plotësoj të gjitha pritshmëritë", tha Coutinho në konferencën për media.
"Kishte klube tjera të interesuara për atë, po Coutinho ishte i vendosur se dëshironte të luante për Barcelonën nën urdhrat e Valverdes", ka thënë Bartomeu.
(Getty Images)
Vlen të theksohet se Coutinho u transferua nga Liverpooli për 160 milionë euro dhe nënshkroi kontratë për pesë vite e gjysmë.
Klauzola e vendosur nga Barça është 400 milionë euro, e dhjeta më e madhja në futboll.
(Getty Images)
Coutinho në 152 ndeshje me Reds në Ligën Premier ka shënuar 41 gola dhe ka dhuruar 35 asistime. /Telegrafi/
t (Getty Images)
(Getty Images)
