Futbolli është rikthyer edhe në Zvicër, ku ndeshja e parë pas pushimit tre mujor po zhvillohet në kryeqytetin zviceran Bern.

Young Boys është nikoqir i Zurichut dhe pas 45 minutave të para po fitojnë mysafirët 1-2.

Mirlind Kryeziu, Hekuran Kryeziu, Toni Domgjoni dhe Benjamin Kololli janë futbollistët shqiptarë që po luajnë nga minuta e parë për Zurichun.

Benjamin Kololli ishte asistues i golit të parë të shënuar nga Aiyegun në minutën e 25-të.

Vendasit barazuan shpejtë rezultatin në 1-1 kur shënoi sulmuesi Nsame.

Por në minutën e 38-të ka ardhur goli fantastik në këtë takim i realizuar nga Benjamin Kololli.

Ylli i Kosovës ka shënuar një gol të mrekullueshëm nga një distancë prej 30 metrave nga gjuajtja e lirë, duke lënë të shtangur portierin.

Sigurisht që ky gol është njëri nga më të mirët e këtij edicioni në Superligën e Zvicrës. /Telegrafi/