Carragher i jep një këshillë shumë të rëndësishme Arsenalit: Pas Klopp do të largohet edhe Pep, ju duhet ta bëni këtë gjë

Mikel Arteta është futur në vitin e tij të pestë si trajner i Arsenalit dhe tani po lufton fuqishëm për titullin e kampionit në Ligën Premier.

Deri më tani tekniku spanjoll ka fituar një EFL Cup dhe dy superkupa të Anglisë, derisa synon që ta fitoj titullin e kampionit, trofe që i mungon Arsenalit që 20 vite.

Legjenda angleze dhe njëri nga analistët më të mirë në Ishull, Jamie Carragher ka thënë për The Telegraph se Arsenali duhet ta blindoj me kontratë të re Artetan, pasi Liverpooli do të mbetet pa Klopp dhe rrugën e gjermanit mund ta ndjekë edhe Pep Guardiola.

Lexo po ashtu Arsenali do të detyrohet të paguajë një gjobë nga Liga Premier, arsyeja është mjaft interesante

“Këtu janë disa këshilla falas për Arsenalin: lidhni Mikel Artetën me një kontratë të re në rastin më të parë”.

“Goditni ndërsa hekuri është i nxehtë. Liverpool po hyn në një periudhë pasigurie kur Jurgen Klopp largohet në fund të sezonit dhe ka zëra të vazhdueshëm se Pep Guardiola së shpejti do të ndiejë se puna e tij ka përfunduar në Manchester City”.

Lexo po ashtu Mikel Arteta zbulon se çfarë ka mësuar më së shumti nga Jurgen Klopp

“Çfarë mesazhi do të dërgonte nëse Arteta do të ishte e përkushtuar ndaj Arsenalit edhe për katër vite të tjera, duke u zotuar se do të korrte shpërblimet e themeleve që ai ka hedhur”, tha Carragher.

Arteta, ndërkohë, vazhdon të lidhet me një lëvizje te Barcelona, ​​por një kontratë e re do të heshtë të gjithë zhurmën rreth të ardhmes së trajnerit dhe do ta lejojë atë të fokusohet në punën e tij në Emirates Stadium. /Telegrafi/