LAJMI I FUNDIT:

Capello: Do të shkëmbeja Paulo Dybalan me Harry Kanen

Capello: Do të shkëmbeja Paulo Dybalan me Harry Kanen
-->

Ish-trajneri i Milanit, Romës dhe Juventusit, Fabio Capello ka thënë se ai do e shkëmbente Paulo Dybalan me sulmuesin e Tottenhamit, Harry Kane.

Italiani kishte kaluar tri vite te Zonja e Vjetër në mes të 2004-2007, mirëpo nuk kishte suksese si te Milani dhe Roma.

Ish-trajneri i Biankonerëve është i bindur se Dybala do të rikthehet në formën e tij më të mirë, pasi duket se COVID-19 i ka lënë atij pasoja.

“COVID-19 është një arsye, veçanërisht për një lojtar si Dybala, i cili ka nevojë të driblojë një njeri”, ka thënë Capello për La Gazzetta dello Sport.

“Përshtypja është se ai është pak i papërfunduar. Ai spërthen, por lë dyshime. Ai sigurisht që ka cilësi superiore; ai me të vërtetë ka gjithçka që ju nevojitet”.

“Ai ka nevojë për kushtet fizike që të kthehet në gjendjen e tij më të mirë. Paulo duhet të jetë 100 për qind i gatshëm, sepse nëse je mirë fizikisht, koka të çon të përballesh me kundërshtarët, shokët e skuadrës, trajnerin dhe madje edhe klubin”.

“Dybala mund të bëjë gjithçka në fushë nëse është mirë, madje edhe duke luajtur në një treshe me [Alvaro] Moratan dhe [Cristiano] Ronaldon”.

Capello tha se nuk do ta ndërronte Dybalan me yllin e Manchester Unitedit, Paul Pogban dhe shtoi se Argjentinasi i kujton atij Dejan Savicevic.

“Paulo më kujton Savicevic, edhe ai preferonte të shkonte nga e djathta,” vazhdoi Capello. “Ai kishte një vizion të shkëlqyeshëm dhe aftësi të veçanta driblimi”.

“Unë thashë se nuk do ta ndërroja Dybala për të marrë Pogban. Nëse do të mundja, do ta kisha ndërruar me sulmuesin anglez të Tottenhamit, Harry Kane”, ka shtuar më tej ai. /Telegrafi/