LAJMI I FUNDIT:

Ballkani eliminon Kikën pas vazhdimeve, siguron gjysmëfinalen

Ballkani eliminon Kikën pas vazhdimeve, siguron gjysmëfinalen
Foto: KF Kika/Facebook

Kika dhe Ballkani kanë luajtur baras 0-0 në 90 minuta lojë në takimin e çerekfinales së Kupës së Kosovës në futboll, ndërsa pas vazhdimeve Ballkani e ka siguruar kalimin në gjysmëfinale.   

Fillimi i ndeshjes ishte i baraspeshuar me të dyja skuadrat që studionin njëra-tjetrën, ndërsa në vazhdim vendasit patën diçka më shumë.

Rasti i pari i takoi Ballkanit dhe ishte Jetmir Topalli (18′), i cili pati një aksion të mirë individual, por goditja e tij u ndal nga traversa.

Kika u kthye në lojë duke rrezikuar me anë të Butrin Gashit (35′) dhe Lirian Feratit (37′), por goditja e parë shkoi mbi portë, ndërsa e dyta u prit nga portieri mysafirë.

Pamje gjatë ndeshjes (Foto: KF Kika/Facebook)

Në pjesën e dytë,  gjithashtu u zhvillua lojë e barabartë nga të dyja skuadrat.

Rasti më i mirë i takoi vendasve të cilët rrezikuan në minutën e 58-të me anë të Vëllaznim Jasharit, por goditja e tij nga distanca shkoi mbi portë.

Edhe Ballkani tentoni me anë të Almir Ajzeraj (80′), por goditja e tij shkoi mbi traversë.

Në vazhdim të ndeshjes të dyja skuadrat patën edhe nga disa gjysmë raste, por pa arritur ta gjejnë golin dhe ndeshja shkoi në vazhdime për ta mësuar fituesin.

Skuadra nga Superliga e Kosovës u tregua më me shumë përvojë në kohën shtesë dhe arriti ta gjente golin e fitores.

Ishte minuta e 115-të e ndeshjes kur mysafirët shënuan golin e fitores nëpërmjet Maksutajt.

Kika provoi në pesë minutat e fundit të ndeshjes të gjente golin e barazimit por një gjëje të tillë nuk ia arritën.

Ballkani ka siguruar gjysmëfinalen e Kupës së Kosovës për herë të parë në histori të klubit, ndërsa përveç saj në gjysmëfinale janë kualifikuar edhe Feronikeli dhe Vëllaznimi. /Telegrafi/

Në trend Sport

Më shumë
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Greenwood mund të largohet nga Man Utd për t'u bashkuar me ekipet rivale nga Liga Premier

Greenwood mund të largohet nga Man Utd për t'u bashkuar me ekipet rivale nga Liga Premier

Premier League
I thjeshti, i vështiri, ideali dhe i brendshmi – katër opsionet e Barcelonës për trajnerin e ri

I thjeshti, i vështiri, ideali dhe i brendshmi – katër opsionet e Barcelonës për trajnerin e ri

La Liga
Kalo në kategori