Mesfushori i Chelseat, Tiemoue Bakayoko, raportohet se ka njoftuar Milanin se dëshiron të rikthehet në klub.

Sipas gazetës italiane Tuttosport, zyrtarët e Milanit gjithashtu nuk e përjashtojnë një rikthim të vonshëm për Bakayokon, nëse Kessie të largohet te Monaco këtë javë.

25-vjeçari kaloi sezonin e kaluar si huazim në San Siro, duke bërë 42 paraqitje dhe duke u bërë i preferuari i tifozëve.

Monaco e rrit ofertën për Kessien, Milani afër ta pranojë atë Monaco e rrit ofertën për Kessien, Milani afër ta pranojë atë

Sidoqoftë, pjesë e fundit e kohës së tij te Milani e panë atë të lihej jashtë nga trajneri Gennaro Gattuso dhe të vonohej disa herë në stërvitje.

Ekziston edhe çështja e pasardhësit të Gattusos, Marco Giampaolo, që preferon lojtarët që luajnë mirë me top si Ismael Bennacer dhe Lucas Biglia në qendër të mesfushës.

Megjithatë, francezi mund të kthehet si një zëvendësim për Kessien, i cili mbetet një objektiv për Monacon, pavarësisht kërkesave të tij mbi katër milion euro në sezon.

Bakayoko është rikthyer në verë te Chelsea, por nuk është në planet e tyre të ekipit të parë dhe deri më tani nuk ka arritur të sigurojë një largim. /Telegrafi/