Philippe Coutinho mund të shkojë drejt veriut të Londrës këtë verë, dhe ylli i Barcelonës ka më shumë të ngjarë të transferohet te Arsenali.

Braziliani i Barcelonës fitoi transferimin e ëndrrave të tij në La Liga në janar të vitit 2018, por gjërat nuk kanë funksionuar për të në Camp Nou dhe ai e ka kaluar këtë sezon si huazim në Bayern Munich.

Bayerni nuk e ka shfrytëzuar mundësinë e nënshkrimit të 28-vjeçarit dhe ai nuk ka gjasa të mbetet te Barelona për sezonin e ardhshëm.

Lexo po ashtu:
Largimet nga Barcelona: Coutinho në Veriun e Londrës, Roberto te Manchester City Largimet nga Barcelona: Coutinho në Veriun e Londrës, Roberto te Manchester City

Tani duket sikur ai mund të shkojë në Emirates te Arsenali ose White Hart Lane te Tottenham Hotspur.

Sipas Independent, ish-ylli i Liverpoolit u është ofruar të dy klubeve në veri të Londrës, por Topçinjtë kanë më shumë gjasa ta nënshkruajnë lojtarin.

Raporti i këtij mediumi shton se një transferim mund të ndodh dhe Arsenalit mund t’i kushtojë vetëm 9 milionë euro.

Por, përveç kësaj shifre solide të parave, Arsenali duhet të ofrojë edhe shërbimet e Matteo Guendouzin, i cili duhet të shkojë te Barcelona.

Lexo po ashtu:
Rivaldo: Coutinho duhet të rikthehet në Ligën Premier, do të shkëlqente te Arsenali ose Tottenhami Rivaldo: Coutinho duhet të rikthehet në Ligën Premier, do të shkëlqente te Arsenali ose Tottenhami

Guendouzi ka rënë nga favori nën urdhrat e trajnerit Mikel Arteta dhe francezi duket i sigurt se do të largohet nga Arsenali këtë verë.

21-vjeçari ka filluar 19 ndeshje në ligë këtë sezon, dhe është menduar shumë si e ardhmja e Arsenalit, por temperamenti i tij është vënë në dyshim dhe ai tani nuk është në favor të Artetas. /Telegrafi/