LAJMI I FUNDIT:

Arnold Schwarzenegger dhuron 25 shtëpi të vogla për veteranët e pastrehë në Los Angeles

Arnold Schwarzenegger dhuron 25 shtëpi të vogla për veteranët e pastrehë në Los Angeles
Foto: Arnold Schwarzenegger/Twitter

Aktori i njohur, Arnold Schwarzenegger, ka bërë një gjest human që bëri ndryshim në jetën e veteranëve këtë sezon festash.

Schwarzenegger, 74-vjeçar, personalisht dhuroi 25 shtëpi për veteranët në zonën së Los Angeles, të cilët kishin jetuar më parë në rrugë.

Ish-guvernatori i Kalifornisë e zbuloi lajmin në Twitter, për shtëpitë e dhuruar këtë javë duke i quajtur si një dhuratë e hershme për Krishtlindje.

Foto: Arnold Schwarzenegger/Twitter

“Sot, festova Krishtlindjet herët. 25 shtëpitë që dhurova për veteranët e pastrehë u instaluan këtu në LA. Ishte fantastike të kalojmë pak kohë me heronjtë tanë dhe t’i mirëpresim në shtëpitë e tyre të reja”, shkroi ai në Twitter të enjten (23 nëntor).

Schwarzenegger gjithashtu falënderoi organizatën jofitimprurëse Village for Vets, si dhe Zyrës së Sekretarit të Çështjeve të Veteranëve dhe Veteranëve Amerikanë (AMVets) për ndihmën e tyre, shkruan People.

Village for Vets siguroi shtëpitë, të cilat Schwarzenegger i bëri të mundur me një donacion prej 250,000 dollarësh, sipas FOX 11.

Faqja e internetit “Village for Vets” shpjegon se strehëzat e vogla, të dhuruara nga Schwarzenegger, “sigurojnë një standard të lartë jetese nga kampet e tendave derisa veteranët janë në udhëtimin e tyre për të gjetur strehim të përhershëm dhe stabilitet”.

Foto: Arnold Schwarzenegger/Twitter

Çdo shtëpi ka ngrohje, energji elektrike dhe ajër të kondicionuar, tha punonjësi i AMVets Rob Reynolds për FOX 11.

Schwarzenegger tha në një postim në Twitter se aktet e mirësisë janë “ajo për të cilat kanë të bëjnë Krishtlindjet”.

“Të gjithë ju keni fuqinë të bëni diçka për dikë tjetër këtë sezon festash. Nuk duhet të jetë e madhe. Vetëm jepni disa minuta nga koha juaj për të ndihmuar dikë tjetër”, vazhdoi aktori.

Ylli i “Terminator” tha për FOX 11 se ishte i lumtur për shtëpitë e vogla, të cilat ai i përshkroi si “dhurata më e mirë e Krishtlindjeve”. Teksa, veterani Bruce Henry Cooper tha se shtëpitë janë një shpëtim për ta.

“Ai nuk na ka harruar ne, nuk ka harruar askënd”, tha ai duke shprehu mirënjohjen e tij ndaj Schwarzenegger-it. /Telegrafi/

Në trend Magazina

Më shumë
Sin Boy sulmohet brutalisht në një sallon bukurie, teksa po hynte 'live' në TikTok?

Sin Boy sulmohet brutalisht në një sallon bukurie, teksa po hynte 'live' në TikTok?

Magazina
Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Magazina
Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Magazina
Seriali

Seriali "The Gentlemen" është një sensacion në internet, por shikuesit janë të bezdisur vetëm nga një detaj i tij

Magazina
Revista 'People' i kushton artikull prindërve të Rita Orës: Si vajza që këndonte në lokalin e babait të saj, u bë një yll botëror

Revista 'People' i kushton artikull prindërve të Rita Orës: Si vajza që këndonte në lokalin e babait të saj, u bë një yll botëror

Magazina
Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr

Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr

Magazina
Kalo në kategori