Zyrtare: Edhe në SHBA do të zhvillohen ndeshjet e La Ligas

Një ndeshje e rregullt e sezonit të La Ligas do të luhet në Amerikën e Veriut, si pjesë e një marrëveshje marketingu prej 15 vjetësh.

Liga spanjolle ka njoftuar një vendim të përbashkët me Relevent – media sportive dhe argëtimi – në një përpjekje për të promovuar futbollin në të gjithë kontinentin.

Një deklaratë në faqen e internetit të La Ligës shkruan se “Si pjesë e marrëveshjes, LaLiga planifikon të sjellë një ndeshje të rregullt të sezonit në Shtetet e Bashkuara, i pari që do të luhet jashtë Evropës”.

Ajo do të quhet LaLiga në Amerikën e Veriut, me raporte që sugjerojnë se ndeshja e parë në Shtetet e Bashkuara mund të jetë që në fillim të këtij sezoni.

Presidenti i La Ligës Javier Tebas shtoi se “Ne jemi të përkushtuar për të rritur pasionin për futbollin në mbarë botën”.

“Kjo marrëveshje e re është e sigurt se do t’i jep një impuls të madh popullaritetit lojës së bukur në SHBA dhe Kanada”.

Lexo po ashtu Të gjitha lajmet rre ligës spanjolle

“Relevant ka mbushur stadiumet në të gjithë SHBA-në me International Champions Cup, ne jemi të kënaqur që do të bashkëpunojmë me ta në një mision të përbashkët për të rritur futbollin në Amerikën e Veriut”. /Telegrafi/

#LaLiga and RELEVENT partner to promote soccer in the US and Canada. 🇺🇸🇨🇦

— LaLiga (@LaLigaEN) August 16, 2018