Kampioni dhe nënkampioni në fuqi do të takohen gjatë fundjavës në Prishtinë.

Ponte Prizreni – Golden Eagle Ylli është dueli me të cilin nis xhiroja e XVIII në Superligën e Kosovës në basketboll, i cili do të zhvillohet të shtunën me fillim nga ora 17:00 në palestrën “Sezai Surroi” në Prizren.

Ndërkaq po të shtunën në program është një tjetër ndeshje, ajo në mes Z Mobile Prishtinës dhe Bashkimit që do të luhet duke filluar nga ora 19:00 në Pallatin e Rinisë dhe Sporteve në Prishtinë.

Të dielën do të zhvillohet një tjetër ndeshje interesante, ajo në Mitrovicë në mes Trepçës dhe Rahovecit me fillim nga ora 17:00 në palestrën “Minatori”.

Lipjani është nikoqir i AFK Borea-s, takim ky që luhet duke filluar nga ora 19:00.

Pas 17 xhirove të luajtura në elitën e basketbollit kosovar, Z Mobile Prishtina kryeson në renditjen tabelare me 34 pikë, e ndjekur nga Golden Eagle Ylli dhe Rahoveci që kanë tubuar secila nga 28 pikë.

Ponte Prizreni që është në vendin e katërt me 25 pikë, aq sa ka edhe Trepça dhe Bashkimi që ndodhen në pozitën e pestë, respektivisht të gjashtë. /Telegrafi/