Xabi Alonso është kthyer të flas për duelet me Lionel Messi kur ai luante si një nëntë fals te Barcelona, ndërsa vet luante te Real Madridi. 

Ish-mesfushori i Bayern Munich dhe Liverpool, tani 37 vjeç, i kaloi pesë vjet te Los Blancos dhe pati një detyrë të vështirë për të ndaluar superyllin argjentinas në El Clasicot e asaj kohe.

Alonso tani është menaxher i Real Sociedad B, ndërsa në një intervistë për ‘The Coaches’ Voice’, zbuloi pse tani kapiteni 32-vjeçar i Barcelonës ishte aq efektiv në atë pozicion.

Ai shpjegon: “Ai dikur ishte në këtë pozicion, si nëntë false”.

Leo Messi në duel me Xabi Alonson . (Photo by Denis Doyle/Getty Images)

“Por Xavi më parë vinte këtu për të marrë topin dhe kur unë shkoja të bëja presion – në këtë hapësirë ​​- Messi vinte në pozicionin ku isha unë, pas meje”.

“Dhe ata bëheshin dy kundër një, kundër meje, dhe [Sergio] Ramos vinte për të bërë presion te Messi, ku krijohej prapa kjo hapësirë ​​e madhe dhe kur Messi merrte [topin], ai e përdorte për ta pasuar për te [David] Villa ose për Pedro në atë pozicion ku ishte hapësira”, tregon Alonso.

Sipas Alonso, Madridi filloi të përshtatet me taktikat e Barcelonës nën drejtimin e Pep Guardiolas dhe zbuloi mënyrën më të mirë për ta ‘zotëruar’ Messin në fushë.

“Dhe kjo … kur filluam ta kontrollojmë më mirë këtë, unë nuk shkoja te Xavi, por do të qëndroja me Messin”.

Xabi Alonso duke festuar . (Photo by David Ramos/Getty Images)

“Ata kanë pasur më shumë kontroll, por nuk ishin aq të rrezikshëm”.

“Kur e kontrolluam pak më mirë atë situatë, unë mendoj se ne ishim më afër për të garuar me ta”, deklaroi Alonso. /Telegrafi/