Vedat Muriqi pas takimit të parë para shikuesve të Fenerbahçes: Në fund të sezonit do të shpallemi kampion

Vedat Muriqi po kalon nëpër një periudhë të mirë te klubi i ri pas largimit nga skuadra e Rizesporit.

Reprezentuesi i Kosovës, Muriqi për herë të parë është paraqitur si lojtar i Fenerbahçes para tifozëve të skuadrës në stadiumin “Sukru Saraçoglu”, ku “kanarinat e verdha” barazuan 2-2 me Cagliarin.

Ai ka pohuar se ishte ndjenjë e veçantë të luajë para shikuesve dhe se ka premtuar angazhim të madh për këtë fanellë.

“Ndeshja e parë para shikuesve ishte një ndjenjë e pa përshkruar. Për këtë fanellë do ta jap edhe atomin e fundit për të luftuar dhe në këtë askush mos të dyshojë”.

“Tani është koha që të gjithë të jemi së bashkë. Sezoni i ardhshëm që do të na bëjë kampion në fund është i gjatë”, ka shkruar ndër të tjerash prizrenasi në llogarinë personale në Instagram,

Ndryshe, 25-vjeçari deri më tani ka shënuar tri gola në gjashtë paraqitjet para sezonale për klubin që i ka fituar 19 tituj të kampionit të Turqisë. /Telegrafi/

View this post on Instagram

#Taraftarlarimizin karsisina ciktigim ilk macta yasadigim heycan tarif edilemez,bu forma altinda terimin son damlasina kadar savasacagima kimsenin suphesi olmasin,simdi birlik olma zamani,onumuzde sampiyon olacagimiz uzun bir sezon var 💪🏼 #fenerbahçe#bizfenerbahçeyiz#

A post shared by Vedat Muriqi (@vedatmuriqi) on Aug 8, 2019 at 12:27am PDT