Ukrainasit publikojnë pamjet e sistemit të rrallë artilerik rus, që hidhet në erë

Ukrainasit kanë arritur të shkatërrojnë një sistem artilerik termobarik rus në pjesën jugore të vendit, kanë njoftuar sot nga Kievi.

Ishte pikërisht shërbimi sekret ukrainas SBU, që shkatërroi TOS-1A apo ndryshe i njohur si sistemi Solntsepyok në jug të rajonit ukrainas Zaporizhzhia, transmeton Telegrafi.

SBU-ja ukrainase shpërndau pamjet të asaj që në shikim të parë dukej si një dron që lëvizte drejt sistemit artilerik rus TOS-1A. E një dron tjetër në ajër filmoi momentin e goditjes dhe shpërthimit të TOS-1A.

Armët termobarike shpërthejnë dy herë për të shkaktuar dëme sa më të mëdha sesa armë konvencionale. Këto armë njihen ndryshe si bomba vakumi, që janë përdorur nga forcat sovjetike në luftën në Afganistan si dhe në Çeçeni.

Kjo nuk është arma e vetme e fuqishme ruse që është shkatërruar nga dronët ukrainas. Ata madje kanë dëmtuar sisteme shumë më të shtrenjta ruse në fushëbetejë. /Telegrafi/

Воїни СБУ спалили російський «Солнцепьок»

Успішну роботу зі знищення тяжкої вогнеметної системи ТОС-1А «Солнцепьок», яка є «гордістю» російського ВПК і рідкісною ціллю на фронті, наші воїни провели на Запорізькому напрямку.

Нищимо окупантів до повної Перемоги! pic.twitter.com/IAi8vTEUdT

— СБ України (@ServiceSsu) August 3, 2024