Chelsea e ka mbyllur edicionin 2021/22 në vendin e tretë në Ligën Premier, derisa atë e ka përforcuar me fitoren 2-1 ndaj Watfordit.

Golat për Blutë i shënuan Kai Havertz dhe Ross Barkley, ndërsa për Watfordin realizoi Gosling.

Fitore në këtë javë të fundit mori edhe Tottenhami, duke përfunduar kështu në vendin e katër, pas fitores 5-0 përball Norwichit të Milot Rashciës që ka rënë tashmë në Championship.

Golat për Spurs i shënuan Dejan Kulusevski e Heung-Min Son me nga dy dhe Harry Kane.

Arsenali triumfoi 5-1 ndaj Evertonit, mirëpo përkundër kësaj fitoreje, ata përfunduan në vendin e pestë, duke mos ia dalë të kualifikohen për në Ligën e Kampionëve, e që do të luajnë në Ligën e Evropës.

Për The Gunners realizuan Gabriell Martinelli nga penalltia, Eddie Nketiah, Cedric, Gabriel, Martin Odegaard, ndërsa për Toffes shënoi Donny van de Beek.

Manchester United në anën tjetër, u mposht nga Crystal Palace me rezultat 1-0, po ia doli të siguronte një vend në Ligën e Evropës.

Golin e vetëm në këtë ballafaqim e shënoi Wilfried Zaha në minutën e 37-të.

Chelsea në vendin e tretë, me 74 pik, Tottenhami tre më pak, Arsenali me 69 sosh dhe Manchester United me 58. /Telegrafi/

Standings provided by SofaScore LiveScore