Zyrtarët në Bashkimin Evropian kanë thënë se janë duke përgatitur një takim të ri në mes kryeministrit të Kosovës, Albin Kurti dhe presidentit të Serbisë, Aleksandar Vuçiq, por ende nuk kanë dhënë ndonjë datë se kur mund të ndodhë.

Së fundmi ka pasur deklarata se në takim i tillë mund të ndodh gjatë këtij muaji, mirëpo ende nuk ka asgjë zyrtare. Bashkimi Evropian në një përgjigje për Telegrafin ka thënë se kur të kenë diçka konkrete do të njoftojnë me kohë.

“Si gjithmonë, ne do të njoftojmë çdo takim të ardhshëm të dialogut kur është e nevojshme”, thuhet në përgjigjen e BE-së.

Reklama

Telegrafi ka pyetur edhe në Zyrën e Kryeministrit, Albin Kurti se nëse tashmë është përmendur ndonjë datë konkrete rreth këtij takimi, por deri në momentin e publikimit të artikullit nuk kemi pranuar përgjigje.

Reklama
Osmani në Slloveni: Gjatë këtij muaji mund të ketë takim Kurti-Vuçiq Osmani në Slloveni: Gjatë këtij muaji mund të ketë takim Kurti-Vuçiq

Së fundmi një takim të mundshëm Kurti-Vuçiq gjatë këtij muaji e përmendi presidentja Vjosa Osmani, gjatë vizitës së saj zyrtare në Slloveni.

“Sa i përket dialogut me Serbinë, procesi po vazhdon, ka pasur takime në nivel të kryenegociatorëve dhe shumë shpejt, besoj gjatë korrikut – por, kjo varet nga lehtësuesit evropianë – ne do të kemi po ashtu një takim në nivel të liderëve. Por, procesi ka vazhduar, ka qenë konstant dhe shumë dinamik dhe po ashtu ka rezultuar në marrëveshjen për udhëzuesin në energji, që mendoj se është një arritje e madhe në proces. Po ashtu ka zhvillime pozitive në çështjen e të zhdukurve me dhunë që është një rrugë e rëndësishme drejt paqes dhe pajtimit në mbarë rajonin”, tha Osmani.

Reklama
Reklama

Një takim të mundshëm mes Kurtit e Vuçiqit gjatë këtij muaji e kishte përmendur edhe i dërguari i posaçëm i Bashkimit Evropian për dialogun Kosovë-Serbi, Mirosllav Lajçak, gjatë një vizite që pati në Kosovë gjatë muajit qershor.

“Jemi duke punuar që ti takojmë udhëheqësit kryesor të dialogut, kryeministrin Kurti dhe presidentin Vuçiq, dhe do të doja që kjo të ndodh para pushimeve verore”, kishte deklaruar Lajçak.

Lajçak: Po punojmë për takimin Kurti-Vuçiq në Bruksel, uroj të ndodh para pushimeve të verës Lajçak: Po punojmë për takimin Kurti-Vuçiq në Bruksel, uroj të ndodh para pushimeve të verës

Bartësit e dialogut, kryeministri i Kosovës, Albin Kurti, dhe presidenti i Serbisë, Aleksandar Vuçiq, nuk janë takuar në Bruksel që nga korriku i vitit 2021.

Deri më tani, ata kanë zhvilluar vetëm dy takime dhe që të dyja nuk kanë sjellë ndonjë rezultat konkret.

Reklama

Kujtojmë se procesi i dialogut mes Kosovës dhe Serbisë ka nisur qysh në vitin 2011, me ndërmjetësimin e Bashkimit Evropian dhe mbështetjen e Shteteve të Bashkuara. /Telegrafi/

Reklama