Këngëtarja shqiptare me famë ndërkombëtare, Bebe Rexha, është duke shijuar suksesin e këngës së saj më të fundit “I’m good (Blue)” me David Guettan.

Reklama

Ajo së fundmi performoi live në NRJ Music Awards 2022, gjersa ka arritur të nominohet edhe për mbrëmjen e madhe të çmimeve, Grammy Awards 2023.

Rexha ndërkohë vazhdon të jetë aktive dhe e ndjekur në rrjetet sociale, duke ndarë me ndjekësit fotografi dhe video të ndryshme nga jeta e saj e përditshme apo aktivitetet muzikore.

Foto: Bebe Rexha/Instagram

Jo pak herë, 33-vjeçarja nuk nguron që t’iu përgjigjet fansave të saj në Twitter kur ata i shkruajnë ndonjë pyetje apo status dedikuar saj.

Reklama

Së fundmi, interpretuesja e hitit “I’m a mess” i është përgjigjur një fansi i cili i sugjeroi asaj një ndërhyrje estetike për të humbur peshën, për të cilën është kritikuar shpesh herë.

Reklama

“I dashur, unë ha shumë dhe kam sindromën e vezoreve policistike dhe marr ilaçe që më bëjnë të shtoj peshë. Më beso se do të doja të isha më i vogël jo më e madhe”, shkroi Bebe Rexha në Twitter.

Përndryshe, artistja me renome botërore është kritikuar shpesh për kilogramët e tepërt, madje në vitin 2019 ajo kishte dalë publikisht me një video në rrjetet sociale duke reaguar kundrejt shtëpive të famshme të modës që refuzuan dizajnimin e fustanit të saj, për shkak të përmasave të saj trupore. /Telegrafi/

Reklama

Dukja e Bebe Rexhës në Grammy (Foto: Jon Kopaloff/Getty Images/Guliver)