Stresi: Kur të vdes tre milionë persona do të vijnë në varrim, as Tupacu s’ka me pas aso varrimi

Reperi i njohur Arkimed Lushaj – Stresi – ka qenë shumë i komentuar që nga hyrja e tij në shtëpinë e tij në Big Brother VIP Kosova.

Ai ka marrëvëmendjen qoftë me gjestet, njashtu edhe me deklaratat e tij apo edhe debatet që ka zhvilluar me banorë të ndryshëm.

Në një bisedë të bërë së fundmi brenda ambienteve të shtëpisë, reperi me prejardhje nga Tropoja rrëfeu se ka bërë aq karrierë dhe emër, aq sa në ditën e ceremonisë së varrimit mendon se do të ketë një numër milionësh të prezencës së njerëzve.

“Ky burrë këtu ka me e mbyt karrierën e do të vdesë, me tre milionë banorë që kanë me më ardhë në varrim, krejt Shqipëria e Kosova kanë me më ardhë, ka me qenë vargu ku s’pritet më, as Tupacu as Bigu s’kanë me pas aso varrimi, ditën kur të ma shkruan i madhi Zot”, ka thënë Stresi.

E gjitha kjo ndodhi gjatë një bisede mes disa prej banorëve, ndërkohë që aktorja Shota Baraliu i ka sugjeruar që të mos e mendojë më vdekjen.

Përndryshe, një nga të nominuarit e javës pritet të lërë shtëpinë e Big Brother VIP Kosova sonte (e premte).

Të nominuarit janë: Gjon Karrica, Urimi dhe Alisa, Artan Thaqi, Shota Baraliu, MC Beka dhe Xhuli Nura. /Telegrafi/