Houssem Aouar ka vendosur të largohet nga Lyoni gjatë afatit kalimtar veror.

Mesfushori francez ka pesë vite që luan si titullar tek gjiganti francez dhe është i gatshëm për ta bërë hapin e madh në karrierë.

23-vjeçari ka zgjuar interesimin e shumë skuadrave të mëdha, teksa Arsenal, Roma, Leicester City, Sevilla e Real Betis janë vënë pas tij.

Favorit për të nënshkruar me francezin mbetet Roma, pasi Aouar ka pranuar se i pëlqen të punoj me Jose Mourinhon.

La Gazzetta dello Sport ka raportuar se Roma ka ofruar 20 milionë euro, por Lyon kërkon 25 milionë për ta lënë të lirë lojtarin.

Reklama

Gjithsesi palët janë duke diskutuar, por nuk përjashtohet mundësia që Aouar të përfundojë edhe në Angli ose Spanjë.

Reklama

Reprezentuesi francez edicionin e fundit ka zhvilluar 45 ndeshje ku ka shënuar tetë gola e ka asistuar në katër të tjerë. /Telegrafi/