Gjilani regjistroi fitore të madhe në derbin lokal kundër rivalit të qytetit Drita, në ndeshjen e javës së gjashtë në BKT Superligën e Kosovës në futboll.

Goli i parë u realizua nga Gerhard Progni, i cili ishte fantastik nga gjuajtja e lirë dhe topi me ndihmën e transversales hyri në portë.

Rezultati u dyfishua pas një kundërsulmi dhe aksioni të përfunduar në mënyrë të mrekullueshme nga Shend Kelmendi.

Duke folur pas ndeshjes, Progni e ka vlerësuar paraqitjen e bashkëlojtarëve të tij ndaj Dritës duke thënë se rëndësi më të madhe kanë tri pikët.

Gjilani fiton derbin e madh ndaj Dritës Gjilani fiton derbin e madh ndaj Dritës

Mesfushori ka theksuar se kjo fitore do t’i shërbejë Gjilanit si motiv për të vazhduar përpara, meqenëse deri më tani nuk kishin arritur rezultatet e duhura.

Ai ka thënë se skuadra ka bërë lojë të mira, por kanë munguar rezultatet pozitive dhe se ky triumf do t’u ndihmojë nga ana psikologjike për ecurinë në kampionat. /Telegrafi/