Roma dhe Juventus i bashkohen skuadrave të mëdha në garë për Mudryk 

Mykhalo Mudryk vazhdon të jetë njëri nga sulmuesit e rinj më të kërkuar në Evropë.

Talenti ukrainas ishte objektiv i klubeve të mëdha edhe gjatë afatit kalimtar veror, por Shakhtar refuzoi ofertat për të nga Arsenal, Everton, Bayer Leverkusen e West Ham United.

Por duke marrë parasysh formën fantastike që po tregon në këtë fillim sezoni, interesim për Mudryk kanë shfaqur edhe Real Madrid, PSG, Chelsea e Manchester United.

Garës së fundmi i janë bashkuar edhe dy top klubet italiane, Roma dhe Juventus.

Calciomercato ka raportuar se drejtuesit e dy skuadrave tanimë kanë kontaktuar Shakhtar Donetskin për të kërkuar informacione për Mudryk.

Madje besohet se Roma ka bërë një ofertë zyrtare prej 30 milionë eurove për lojtarin, ofertë që është refuzuar nga Shakhtar Donetsk, me klubin ukrainas që synon të fitojë 50 milionë euro nga shitja e yllit të saj.

21-vjeçari në 10 ndeshjet e para mes Ligës së Kampionëve dhe Superligës së Ukrainës ka shënuar pesë gola dhe ka asistuar në 10 të tjerë.

Gjithsesi largimi i tij në janar nga Shakhtar duket i pashmangshëm, por mbetet të shihet se kush do ta fitojë garën për shërbimet e sulmuesit anësorë. /Telegrafi/