Rita Ora shfaq aftësitë e modelimit në fotosesionin për Vogue Australia

Rita Ora ka shfaqur aftësitë e saj të modelimit ndërsa pozoi për një fotosesion të çuditshëm për numrin e fundit të revistës Vogue Australia.

Këngëtarja, 30-vjeçe, u shfaq e veshur me një kostum lëkure rozë, të cilën e shoqëroi me dollakë të zinj.

Krijuesja e hitit “How to be lonely” gjithashtu po mbante një kapelë të verdhë në kokë e një qafore të argjendtë në qafë.

Në një pamje tjetër, Rita kishte veshur një xhaketë të bardhë dhe ngjyrë kafe, së bashku me pantallona bezhë.

Artistja shqiptare futi flokët e saj bjonde nën një kapelë të gjelbër, gjersa po mbante njërën këmbë lart.

Lexo po ashtu Rita Ora thyen heshtjen derisa flet për të dashurin e saj 16 vite më të vjetër: Jam në një vend të mrekullueshëm, kjo është e gjitha që mund të them

Në kopertinë, biondja u shfaq me një triko të zezë me mëngë të gjata të cilën e shoqëroi me një fustan të veçantë të gjelbër.

Përveç një fotosesioni të mrekullueshëm, Ora ka folur për herë të parë për marrëdhënien me regjisorin Taika Waititi.

Ajo tha se është në një vend të mrekullueshëm duke mos dashur të japë më shumë komente rreth kësaj romance.

“Unë jam në një vend të mrekullueshëm në jetën time, kjo është gjithçka që do të them për këtë”.

Ora prej disa muajsh ka filluar lidhjen me regjisorin nga Zelanda e Re që pas ndarjes nga Romain Gavras. /Telegrafi/