Albi Mall Superliga e Kosovës rikthehet në aksion pas pauzës më shumë e dhjetë ditore shkaku i ndeshjeve të kombëtareve.

E këtë fundjavë do të zhvillohen duelet e xhiros së nëntë në elitën e futbollit kosovar, ku në program janë për tu luajtur tri sfida ditën e sotme dhe dy të tjera nesër.

Vëmendja e adhuruesve të futbollit kosovar është në Gjilan, ku lideri aktual Drita pret Drenicën.

Djelmoshat e udhëhequr nga Ardian Nuhiu kërkojnë të rikthehen te fitoret pas barazimit pa gola ndaj Prishtinës, derisa kuqezinjtë nga Skenderaj synojnë të shkaktojnë një tjetër befasi.

Nga kjo xhiro ka ndryshuar edhe orari, pasi tanimë ndeshjet do të zhvillohen me fillim nga ora 13:00.

Reklama

Duel interesant pritet të zhvillohet edhe në stadiumin ‘Zahir Pajaziti’ në Podujevë ku Llapi pret Malishevën.

Reklama

Llapjanët në këtë takim vijnë pas fitores 0-1 te Gjilani, derisa Malisheva është në krizë dhe nuk di për fitore në katër sfidat e fundit.

E dueli i fundit, por jo nga rëndësia i ditës së sotme zhvillohet në stadiumin 18 Qershor në Klinë, ku Dukagjini është nikoqir i Ferizajt.

Vendasit ende nuk kanë arritur fitore këtë sezon dhe janë në kërkim të tri pikëve të para pasi kanë mbetur në pozitën e fundit në tabelë.

Në anën tjetër Ferizaj pas humbjes 0-3 nga Ballkani kërkon të rikthehet te rezultat pozitive. /Telegrafi/

Reklama