Manchester United i ka vazhduar kontratën menaxherit Ole Gunnar Solskjaer deri në qershor 2022 dhe norvegjezi e ka për detyrë që ta rris nivelin e skuadër.  

Aktualisht janë gjashtë lojtarë të cilët janë pothuajse të sigurt që do të largohen me Alexis Sanchez, Ander Herrera, Juan Mata, Matteo Darmian, Marcos Rojo dhe Antonio Valencia, edhe pse për Alexis largimi është më e vështirë se sa parashikohet.

Kilian ka një kontratë deri në vitin 2022, por ai ka zhgënjyer që kur ka ardhur nga Arsenali në janar 2018, duke e dërguar Henrikh Mkhitaryanin në Emirates.

Nëse United merr një ofertë të mirë për Alexisin, ata janë të gatshëm të dëgjojnë.

Herrera, ndërkohë ka qenë një lojtar kryesor te Solskjaer, por kontratës e tij po i vjen fundi dhe spanjolli e ka pranuar një ofertë nga Paris Saint-Germain, pasi e ka refuzuar rinovimin e kontratës nga United.

Marrëveshja e Mata gjithashtu skadon në qershor dhe, nëse nuk ka një kthesë ai do të largohet nga Old Trafford në verë.

Darmiani dhe Rojo nuk kanë qenë në nivelin që pritej prej ardhjes së tyre në Mançester, ndërsa Valencia, tani 33 vjeç, duket sikur mund të shkojë drejt MLS.

Ardhja e një portieri nuk përjashtohet, megjithëse klubi do të bëjë gjithçka që ta mbajë David de Gean, kontrata e të cilit përfundon në vitin 2020.

Ka pasur disa raporte për Thibaut Courtois, por arritja e nga Real Madridi do të ishte një opsioni i vështirë.

Deri në pesë nënshkrime

Do të ketë edhe ardhje, por që kushtëzohen nga largimet, pasi ideja është që të realizohet një projekt për ripërtëritje.

Ka pesë emra që United do të synojë, disa nga ta tashmë janë shpallur nga shtypi anglez. Ata duan një mbrojtës të djathtë, një mbrojtës, një ose dy mesfushorë dhe një sulmues.

Për mbrojtës i djathtë pëlqehet ai i Crystal Palace, Aaron Wan-Bissaka, që është objektivi më i arritshëm për United dhe kushton rreth 40 milionë euro.

Në qendër, pëlqehen emra si Raphael Varane dhe Kalidou Koulibaly.

Francezi pritet të largohet nga Madridi, derisa Koulibaly kërkohet nga disa klube të mëdha të Evropës, përfshirë edhe Los Blancos .

Largimet e Herreras dhe Matas do të lënë hapësira në mesfushë dhe Solskjaer e pëlqen yllin e Atletico Madridit, Saul Niguez, i cili kërkohet edhe nga Pep Guardiola i Manchester Cityt.

Mendohet se atij do t’i lejohet të largohet nga Los Rojiblancos këtë verë, edhe pse klauzola e lirimit të tij është 150 milionë euro.

Një opsion tjetër mund të jetë Declan Rice, një mesfushor 20-vjeçar anglez që luan te West Ham United, por ‘Hammers’ janë të vendosur ta mbajnë yllin e tyre të ri.

Në sulm, Jadon Sancho, është duke u ndjekur nga United pas paraqitjeve të jashtëzakonshme me Borussia Dortmund.

19-vjeçari do të kushtojë më shumë se 100 milion euro, por ai mund të jetë lojtari që do të fillojë revolucionin e shumëpritur në Old Trafford. /Telegrafi/