Tifozët e Real Madrid presin që blerjet të mbizotërojnë në klub gjatë verës, por njëherë lubi i Los Blancos do t’i zhgënjejë, pasi fillimisht do të bëhen shitjet, ku shpresojnë të mbledhin 180 milionë euro.

Përparësia e Florentino Perez për treg është shitja e lojtarëve, pasi klubi ka një numër të madh lojtarësh nën kontrata.

COVID 19 ka rrënuar stabilitetin financiar në klube dhe Los Merengues po punojnë për rimodelimin e “Santiago Bernabeut”.

Klubi vetëm ka siguruar 43.5 milionë euro, duke shitur Javi Sanchez dhe Achraf Hakimi te Real Valladolid dhe Inter.

Gareth Bale dhe James Rodriguez, janë dy lojtarët që Real Madridi do të përpiqet që në mënyrë agresive t’i largojë nga klubi.

Për uellsianin do të pajtoheshin me një shumë prej 60 milionë euro, ndërsa sa i përket James që është në vitin e fundit të kontatës, do të pranonin pëgjysmë më pak.

Klubi do të kërkojë një destinacion të ri për dështimin e madh Luka Jovic, që u prit të merrte vendin e Karim Benzemas. Edhe pse u ble 60 milionë euro, klubi është gati që ta lëshojë në huazim.

Dani Ceballos dhe Jesus Vallejo nuk janë zhvilluar aspak dhe do të shiten. Arsenali duket se do ta blejë lojtarin dhe 30 milionë euro mund të mjaftojnë. Vallejo në anën tjetër ka tërhequr vëmendjen e Granadës, por çmimi i kërkuar për mbrojtësin është 15 milionë euro.

Mariano dhe Brahim janë në pjesë grupit të lojtarësh që Zidane i ka përdorur shumë rralë.  Të dy lojtarët tani janë në shitje dhe Real Madridi po pret ofertat për ta.

Nëse Andriy Lunin kthehet në Real Madrid dhe bëhet zëvendës i Thibaut Courtois, ndërsa Sergio Reguilon do të shitet. Ai e di se për sa kohë që Marcelo është në skuadrën e Zidane, ai nuk do të luajë.  Real Madridi po kërkon për të 20 milionë euro.

E ardhmja e Martin Odegaard është e lidhur drejtpërdrejt me atë të Luka Modric.

Ka gjasa që Odegaard të përfundojë edhe vitin e dytë të huazimit të tij me Real Sociedad në sezonin 2020/21.

Kubo do të qëndrojë në huazim për një sezon tjetër, ndërsa Bayer Leverkusen e duan në huazim Reinierin, pasi Kai Havertz do të largohet.

Alvaro Odriozola që ishte i huazuar te Bayern Munich, do të kthehet në Santiago Bernabeu gjatë verës, në vendin e Achraf Hakimit.

Lucas Vazquez dhe Nacho Fernandez vlerësohen nga Zidane dhe do të përfshihen edhe në sezonin e ardhshëm nëse qëndrojnë. /Telegrafi/