Timo Werner po i kalon ditët e tij të fundit si futbollist i RB Leipzig.

Sulmuesi gjerman është futur në vitin e tij të fundit të kontratës me klubin aktual dhe nuk ka pranuar rinovimin e saj.

Werner ka një marrëveshje me Bayernin për t’iu bashkuar kampionëve të Gjermanisë në verën e vitit 2020 si futbollist i lirë.

Por RB Leipzig tani dëshiron ta shes në këtë afat kalimtar të verës për të fituar rreth 30 milionë euro nga shitja e tij.

Mediat gjermane kanë raportuar se Valencia, Roma, Napoli dhe Milan janë skuadrat e interesuara për gjermanin.

Timo Werner. (Photo by Alexander Hassenstein/Getty Images)

Por Bayerni po e monitoron situatën e tij dhe është e gatshme ta mposhtë ofertën e skuadrave tjera për mos ta lejuar largimin e Werner nga Bundesliga.

Roma mbetet favorite, pasi është gati ta përfshijë në marrëveshje sulmuesin çek Patrick Schick për të arritur te gjermani.

23-vjeçari edicionin e kaluar në 37 takime ka shënuar 19 gola dhe ka asistuar në 10 të tjerë. /Telegrafi/