PSG pranon kërkesën e Neymarit, i vendos çmimin e largimit

Neymar mund të largohet nga Paris Saint Germain pas gjashtë viteve qëndrim në Parc de Princes.

Sulmuesi brazilian ka një kontratë valide me parisienët deri në verën e vitit 2025, plus me opsion vazhdimi për një vit tjetër.

Megjithatë ditë më parë ka qenë prestigjiozja franceze L’Equipe që ka raportuar se ka qenë vet braziliani që ka kërkuar largimin nga parisienët.

Lexo po ashtu Neymar mund të rikthehet te Barcelona përmes planit të një klubi saudit

Dëshira e Neymar është të rikthehet te Barcelona, por katalunasit nuk kanë mundësi financiare për ta transferuar atë në Camp Nou.

Chelsea është një tjetër opsion për brazilianin në Evropë, derisa interesim ka shprehur edhe Al Hilal në Arabinë Saudite, me skuadrën arabe që është e gatshme t’i plotësojë çdo kërkesë Neymarit.

PSG ka pranuar se Neymar mund të largohet dhe tanimë i ka vendosur edhe çmimin e largimit.

Lexo po ashtu Neymar i dërgon letër largimi PSG-së

Parisienët i kanë bërë të qartë skuadrave të interesuara për brazilianin se për ta lënë të lirë atë duan të fitojnë 150 milionë euro.

Sigurisht që për skuadrat evropiane është një shumë e lartë, por nuk përjashtohet mundësia që Al Hilal të bëj një ofertë të tillë për transferimin e brazilianit në Arabinë Saudite. /Telegrafi/