Mijëra pasagjerë u ballafaquan me një kaos në aeroportin Heathrow të Londrës sot pas radhëve të gjata të ndërtuara pas një avarie të sistemit të bagazheve.

Sipas mediave britanike, përcjell Telegrafi, disa udhëtarë të British Airways thanë se u përballën me radhë në shiritin e bagazheve në Terminalin e Pestë.

Problemet thuhet se ndodhën një ditë para fillimit të pushimit të shkollave midis kërcënimeve se do të ketë një verë e veprimeve greviste të cilat mund të prishin gjithashtu planet fluturuese të pushuesve.

Ndërkohë janë publikuar edhe pamjet që tregojnë se si mbi qindra çanta ishin rreshtuar brenda ndërtesës së terminalit.

Problemi thuhet të jetë sanuar rreth orës 10.30 të mëngjesit sot, por kjo vlerësohet edhe një ditë e trazuar për sistemin që është përballur me një larmi çështjesh që kur u hap në 2008. /Telegrafi/