Steven Gerrard pohon se një rikthim në Liverpool nuk është pjesë e planeve të tij të ardhshme, me legjendën e Reds, të përkushtuar plotësisht në postin e tij tek gjigant skocezë, Rangers.

Ish-kapiteni i Anglisë vazhdon të jetë i lidhur me një kthim në Anfield, me kontratën e tij në Ibrox që pasqyron atë të Jurgen Klopp te Reds – me të dy të lidhur deri në vitin 2024.

Vazhdon të sugjerohet që Gerrardit do t’i ofrohet mundësia për të pasuar trajnerin fitues të Ligës Premier dhe Ligës së Kampionëve në një mjedis të njohur, por ai nuk po mendon për këtë për momentin.

Gerrard: Tifozët e Liverpoolit nuk më duan, ata e duan Kloppin Gerrard: Tifozët e Liverpoolit nuk më duan, ata e duan Kloppin

I pyetur përsëri për thashethemet që e lidhin me punën e trajnerit të Liverpoolit, Gerrard është përgjigjur tashmë.

“Unë nuk mund të kontrolloj asnjë spekulim mediatik në lidhje me pozicionin tim”, ka thënë fillimisht Gerrard për ESPN.

“Nuk e mirëpres, nuk e shtoj. E tëra që bëj është të përqendrohem në punën që kam këtu dhe jam shumë i kënaqur dhe mirënjohës për pozicionin tim”.

“Jam shumë i lumtur këtu, e kam thënë në shumë raste, është një klub i madh, jam i vendosur, jam i lumtur dhe mund të vazhdoj të zhvillohem dhe të vazhdoj të përpiqem ta shtyj këtë ekip përpara”, përfundoi anglezi. /Telegrafi/