Pique zbulon si iu paraqit Shakiras, do t’ju mahnitë fati i tyre se si u takuan (Foto)

Mbrojtësi i Barcelonës dhe reprezentuesi i Spanjës, Gerard Pique, ka treguar historinë e tij të bashkimit me këngëtaren Shrakira.

Pique dhe Shakira që ka kohë që jetojnë bashkë dhe kanë djalin Milan, kanë pasur mjaft fat që sot të jenë bashkë.

Në fakt, mënyra se si mbrojtësi e ka kontaktuar nuk është se duhet t’i merret lakmi (përpos nëse jeni milioner ose futbollist që luani për Barcelonën).

Pique ka treguar në një intervistë së fundmi se si arriti të kontaktonte me Shakiran dhe cilat ishin fjalët e para në drejtim të saj, shkruan Telegrafi.

Ai tregon se si i ka shkruar këngëtares pasi u takua me të setin e videoklipit të këngës për Botërorin 2010 në Afrikë të Jugut.

“Ajo arriti në Afrikën e Jugut para nesh sepse ka kënduar në ceremoninë hapëse. Unë ia kam dërguar një mesazh për ta pyetur se si është moti, sepse ne do të arrinim pas disa ditësh”, fillon tregimin e tij Pique.

Nuk duket mënyra më e mirë për të nisur kontaktin me një femër, por duket se te Pique ka pasur efekt.

“Kjo është një pyetje e zakonshme tejet pa lidhje, ku përgjigja që kam pritur ishte një përgjigje e shkurtër prej saj se është thjesht ftoftë dhe se duhej të merrja pallton”.

“Por, ajo më ka shkruar një paragraf të gjatë, në detaje për ndryshimet e temperaturës gjatë ditës”.

“Thashë: “Zot, kjo nuk është normale”. Ishin detajet ato që ma bënë të qartë se kjo femër më ka tërhequr”, u shpreh Pique.

Dhe duket se Shakira ka qenë inspirimi që Pique të përkushtohet maksimalisht që të arrijë finalen.

“Ne filluam të komunikonim me njëri-tjetrin gjatë gjithë kampionatit, por mënyra e vetme për t’u takuar ishte në finale, sepse ajo do të performonte në ceremoninë mbyllëse”.

“Unë i kam thënë se do të arrija finalen që të takohesha me të. Aty ishte hera e dytë që e takova, pas finales së Kupës së Botës”, përfundoi rrëfimin e tij Pique.

Sot ata vazhdojnë të jenë prej çifteve më stabile në skenën e shoubizit botëror. /Telegrafi/