“Pagova 325 euro, por sërish pa rrymë”, Labinot Tahiri reagon ndaj reduktimeve të energjisë elektrike

KEDS ditën e djeshme (e mërkurë) bëri një njoftim duke treguar se do të ketë reduktime të rrymës për shkak të mbingarkesës së sistemit elektroenergjetik.

Ndonëse ky problem po vazhdon akoma, reagimet në rrjet kanë qenë të shumta nga qytetarët e figurat publike duke shprehur pakënaqësitë e tyre.

Një të tillë e ka bërë edhe këngëtari e ish-deputeti nga Ferizaj, Labinot Tahiri, i cili thotë se ka paguar 325 euro, por që sërish nuk ka rrymë.

I njëjti shton se nëse qytetarët kanë borxh KEDS-i nuk ua fal, ndërsa kur ndodhë e kundërta dalin dhe kërkojnë falje e mirëkuptim.

Postimi i plotë i Labit (pa ndërhyrje):

“Dje e pagova 325 euro, por prap pa rrymë!

Jam ardh në perfundim, që ky popull e duron edhe kijametin☺️ veq me ju lajmru ma heret qështu si KEDS-I me sms ne pajtohemi me fatin!

Kur qytetari i ka borgj KEDS-it, nuk i’a fal po shkon e i’a këput rrymen në shtyllê pa fije rahmeti!

E kur qytetarêve KEDS-i i’u ka borgj dhe i lë në terr, kêrkonë falje dhe mirëkuptim!

Nejse: Popull Bujar jem ne , kush nuk bën zë por rrim qështu ndër-jorgan tuj than behet mirë!!

Mundesisht nesër mos e leshoni fare se vallah ju kuptojmë se jeni “shumë korrekt”

Duron ky popull duron bacooo grahni…”. /Telegrafi/