Të gjitha ceremonitë e ndarjes së çmimeve filmike çonin drejt natës më të madhe në Hollywood, asaj të Academy Awards që njihet thjesht si “The Oscars”.

Koha

(Foto: Matt Petit – Handout/A.M.P.A.S. via Getty Images/Guliver)

Evenimenti do të mbahet të dielën më 9 shkurt me fillim nga ora 20:00 me kohën lokale (në orën 2:00 të të hënës, 10 shkurt, me kohën tonë).

Lokacioni

Dolby Theatre (Foto: David McNew/Getty Images/Guliver)

Yjet do mblidhen në Dolby Theatre të Los Angelesit, ku ceremonia mbahet që nga viti 2002.

Nominimet

Drama e errët, “Joker”, udhëheq me 11 nominime që u bënë publike në më 13 janar. “Ford v Ferrari”, “The Irishman”, “Jojo Rabbit”, “Little Women”, “Once Upon a Time… in Hollywood”, “Marriage Story”, “Parasite” e “1917” – janë disa prej filmave që konkurrojnë për çmime.

Reklama
Reklama

Prezantuesit dhe performuesit

Regina King (Foto: JC Olivera/Getty Images/Guliver)

Sandra Oh, James Corden, Maya Rudolph, Timothee Chalamet e Regina King – janë në mesin e prezantuesve të përcaktuar. Ndërsa në skenë do të performojnë emra, si Janelle Monae, Elton John, Idina Menzel e Billie Eilish.

Nikoqiri

Jimmy Kimmel ishte nikoqiri i fundit i ‘Oscars’, në vitet 2017 dhe 2018 (Foto: Kevin Winter/Getty Images/Guliver)

Për të dytin vit radhazi, spektakli do të mbahet pa nikoqir. /Telegrafi/