LAJMI I FUNDIT:

‘Operacioni fshesa’ te Chelsea, lista e zezë e Pochettinos me 15 lojtarë

‘Operacioni fshesa’ te Chelsea, lista e zezë e Pochettinos me 15 lojtarë

Mauricio Pochettino ka punë për të bërë te Chelsea pas emërimit si trajner para disa ditësh.

Trajneri argjentinas nënshkroi deri në vitin 2025 me opsionin që klubi të zgjasë angazhimin e tij deri në vitin 2026.

Është një projekt afatgjatë për të cilin Pochettino duhet të hedhë gurët e parë. Dhe një nga detyrat më urgjente do të jetë lehtësimi i ‘fuqisë së madhe punëtore’.


Ish-trajneri i Tottenham Hotspur dhe Espanyol, ndër të tjera, ka në dorë planifikimin e ringjalljes së një Chelsea që fitoi Ligën e Kampionëve në vitin 2021, por nuk e ka ngritur kokën nga ajo kohë.

Chelsea shpenzoi më shumë se 600 milionë euro në afatin e fundit kalimtar të transferimeve dhe nuk do të luajë në garat evropiane sezonin e ardhshëm.

Të gjitha lajmet nga Mauricio Pochettino
Lexo po ashtu Të gjitha lajmet nga Mauricio Pochettino

Tepricë futbollistësh

Me 33 lojtarë plus ata të huazuarit në një skuadër të çekuilibruar, tani i takon Pochettinos të vendosë për të ardhmen e disa prej atyre futbollistëve.

Sipas mediumit Daily Mail, deri në 15 lojtarë kanë të ardhmen e tyre në ajër dhe mund të largohen nga Stamford Bridge.

Pierre-Emerick Aubameyang, Hakim Ziyech, Christian Pulisic, Edouard Mendy dhe Callum Hudson-Odoi pritet të largohen, ndërsa e ardhmja e Kalidou Koulibaly, Cesar Azpilicueta dhe N’Golo Kante është e paqartë, raporton gazeta angleze.

Por, ka më shumë lojtarë që mund të largohet nga Blutë këtë verë.

Lojtarët e tjerë të përmendur janë Denis Zakaria, i cili do të kthehej te Juventusi, dhe Mason Mount, Mateo Kovacic, Conor Gallagher, Trevoh Chalobah dhe Ruben Loftus-Cheek, të cilët gjithashtu mund të largohen.

Rasti Joao Felix

Një tjetër nga ata që nuk do të vazhdojë është Joao Felix, një lojtar që Pochettino nuk e ka në mendje për sezonin e ardhshëm, ndaj do të rikthehet te Atletico Madrid, skuadra nga e cila është i huazuar.

“E vërteta është se nuk mund t’ju tregoj planin me Joaon. Është lajmi që patëm dje, se trajneri i ri nuk e ka atë për Chelsean”.

“Ne nuk kemi asgjë të planifikuar ende, Joao është një lojtar i Atleticos tani”, ka thënë të martën presidenti i Atleticos, Enrique Cerezo. /Telegrafi/

Në trend Sport

Më shumë
Como përtej të gjitha pritshmërive, ish-yjet e Man Utd dhe Liverpoolit pritet t’i bashkohen

Como përtej të gjitha pritshmërive, ish-yjet e Man Utd dhe Liverpoolit pritet t’i bashkohen

Serie A
Top ylli i Manchester Cityt refuzon kontratën e re dhe po kërkon largimin

Top ylli i Manchester Cityt refuzon kontratën e re dhe po kërkon largimin

Serie A
Shpërthen afera në Francë: Ish reprezentuesi francez i pagoi fshehtas 1.6 milion euro femrës që përdhunoi?

Shpërthen afera në Francë: Ish reprezentuesi francez i pagoi fshehtas 1.6 milion euro femrës që përdhunoi?

Përfaqësueset
Cucurella tregon emrin e yllit anglez për të cilin shpreson të mos luajë në finale të Euro 2024

Cucurella tregon emrin e yllit anglez për të cilin shpreson të mos luajë në finale të Euro 2024

Përfaqësueset
Ndryshimi taktik i Ancelottit do të detyrojë mesfushorin kyç të Real Madridit të ulet në stol

Ndryshimi taktik i Ancelottit do të detyrojë mesfushorin kyç të Real Madridit të ulet në stol

La Liga
Spanja tronditet nga një grindje e furishme që përfshin lojtarin kryesor një ditë para finales së Euro 2024

Spanja tronditet nga një grindje e furishme që përfshin lojtarin kryesor një ditë para finales së Euro 2024

Përfaqësueset
Kalo në kategori