Alvaro Odriozola do të largohet nga Real Madridi gjatë afatit kalimtar të janarit.

Mbrojtësi i djathë ishte i huazuar edicionin e kaluar te Bayern Munich, por gjiganti gjerman nuk e shfrytëzoi klauzolën për blerjen e tij.

25-vjeçari është pjesë e Real Madridit, por këtë edicion është paraqitur vetëm 57 minuta në një ndeshje në La Liga.

Reali po mendon për huazimin e lojtarit i cili është në bisedime me Fiorentinën.

Gianluca Di Marzio ka raportuar se klubi vjollcë është shumë afër t’i sigurojë shërbimet e spanjollit.

Por Fiorentina nuk do ta ketë të drejtën e blerjes së tij edhe pse klubi italian e ka kërkuar një gjë të tillë.

Gjithsesi përveç Fiorentinës, në garë për të janë edhe skuadrat tjera si Valencia e Getafe, por lojtari preferon të largohet nga La Liga. /Telegrafi/