LAJMI I FUNDIT:

Nuk ngopet Reali, mposht Liverpoolin dhe e fiton për të tretën herë radhazi Ligën e Kampionëve

Nuk ngopet Reali, mposht Liverpoolin dhe e fiton për të tretën herë radhazi Ligën e Kampionëve
Festa e Mbretërve pas trofeut të tretë radhazi (Getty Images)

Përsëri Real Madridi mbretëron në Evropë. Skuadra spanjolle e ka fituar për të tretën herë radhazi Ligën e Kampionëve duke e mposhtur Liverpoolin në finalen e Kievit me rezultat 3-1.

Atmosfera e fillimit të ndeshjes (Foto: Getty Images)

Pas një rasti nga Cristiano Ronaldo, Trent Alexander-Arnold ka mundur t’i kalojë Redsat në epërsi, mirëpo Keylor Navas reagoi për ta bërë pritjen.

Skuadra angleze u tregua rrezikshme në fillim, mirëpo largimi i lojtarit kryesor, Mohamed Salah, për shkak të një lëndimi nga një tërheqje me Sergio Ramosin, bëri që në vazhdim të ndryshonte loja dhe Los Blancos ta merrnin kontrollin.

Mohamed Salah u detyrua ta lëshonte fushën për shkak të lëndimit (Foto: Getty Images)

Në fillim të gjysmës së dytë, Isco pati një mundësi fantastike për të shënuar, por e goditi vetëm transversalen. Nuk zgjati shumë dhe rezultati u zhbllokua.

Karim Benzema e zhbllokoi rezultatin (Foto: Getty Images)

Një gabim të pafalshëm të portierit Loris Karius e shfrytëzoi Karim Benzema, i cili nga afërsia ia ktheu topin në portë (51′).

Megjithatë, gëzimi i Mbretërve nuk zgjati shumë. Pas një harkimi nga këndi, Dejan Lovren e dërgoi topin me kokë te Sadio Mane, i cili e barazoi rezultatin (55′).

Sadio Mane e barazoi rezultatin (Foto: Getty Images)

Inkuadrimi në lojë i Gareth Bale ndryshoi gjithçka. Sapo hyri në lojë, uellsiani shënoi një gol fantastik në mënyrë akrobatike, pas harkimit nga Marcelo (64′).

Goditja e shtyllës nga Mane dhe shansi i Ronaldos përballë portierit, ishin vetëm disa prej mundësive të pashfrytëzuara në këtë ndeshje.

Dy gola nga Gareth Bale (Foto: Getty Images)

Një tjetër gabim i Karius ia siguroi Realit fitoren. Gareth Bale bëri një goditje të fuqishme nga largësia, ndërsa portieri i Liverpoolit dështoi ta largonte topin edhe pse e preku me duar (83′).

Dhe pas fishkëllimës së fundit të gjyqtarit, Real Madridi iu gëzua triumfit të tretë radhazi në Ligën e Kampionëve dhe të 13-të në total në garën më të madhe evropiane për klube.

Gëzimi i Zinedine Zidane (Foto: Getty Images)

Liverpooli mbetet me pesë trofe të fituara, ndërsa për herë të fundit e ka fituar këtë garë në vitin 2005 në finalen historike kundër Milanit. /Telegrafi/

Në trend Sport

Më shumë
“Ai na tha shumë qartë”, drejtori i Bayernit jep një përditësim të madh për të ardhmen e Kimmich

“Ai na tha shumë qartë”, drejtori i Bayernit jep një përditësim të madh për të ardhmen e Kimmich

Bundesliga
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Konfirmohet dëshira e Neymar Jr për t’u rikthyer në Barcelonë

Konfirmohet dëshira e Neymar Jr për t’u rikthyer në Barcelonë

La Liga
Kalo në kategori